சென்னை சென்டிரல்-பெங்களூரு இடையே அதிவிரைவு சிறப்பு ரெயில் இயக்கப்படுவதாக தெற்கு ரெயில்வே அறிவித்துள்ளது.
சென்னை,
தெற்கு ரெயில்வே வெளியிட்டுள்ள செய்திக்குறிப்பில் கூறப்பட்டிருப்பதாவது:-
* கே.எஸ்.ஆர். பெங்களூரு-சென்னை எம்.ஜி.ஆர் சென்டிரல் (வண்டி எண் 02028) இடையே இயக்கப்படும் ஏ.சி அதிவிரைவு சிறப்பு ரெயில் வருகிற 23-ந் தேதி முதல் செவ்வாய்க்கிழமை தவிர்த்து வாரத்தில் 6 நாட்கள் பெங்களூரு ரெயில் நிலையத்தில் இருந்து காலை 6 மணிக்கு புறப்படும்.
மறுமார்க்கமாக சென்னை சென்டிரல்-கே.எஸ்.ஆர். பெங்களூரு (02027) இடையே இயக்கப்படும் ஏ.சி அதிவிரைவு சிறப்பு ரெயில் வருகிற 23-ந் தேதி முதல் செவ்வாய்க்கிழமை தவிர்த்து வாரத்தில் 6 நாட்கள் சென்டிரல் ரெயில் நிலையத்தில் இருந்து மாலை 5.30 மணிக்கு புறப்படும்.
இவ்வாறு அதில் கூறப்பட்டுள்ளது.
