எய்ட்ஸ் நோய் போல் கொரோனாவும் மக்களைவிட்டு வெளியேற போவது இல்லை என உலக சுகாதார அவசரகால இயக்குனர் மைக்கேல் ரியான் கூறி உள்ளார்.
ஜெனீவா
பல்வேறு நாடுகள் தங்கள் அன்றாட வாழ்க்கையை மீண்டும் தொடங்கவும், முடங்கிப்போன பொருளாதாரத்தை காப்பாற்றவும் தயாராக உள்ள நிலையில், உலக சுகாதார நிறுவனம், கொரோனா வைரஸ் மக்களிடையே தங்கி விடும் என்று கூறியுள்ளது.
ஜெனீவாவில் நடந்த காணொலி செய்தியாளர்கள் சந்திப்பில் உலக சுகாதார அமைப்பின் அவசரகால இயக்குனர் மைக்கேல் ரியான் கூறியதாவது:-
கொரோனா வைரஸ் மனித சமூகங்களில் உள்ள மற்றொரு வைரஸாக மாறக்கூடும், மேலும் இந்த வைரஸ் ஒருபோதும் இங்கிருந்து போகாது.எச்.ஐ.வி நீங்கவில்லை – ஆனால் நாம் அந்த வைரஸைப் புரிந்துகொண்டோம்.
எவ்வாறாயினும், ஊரடங்கை தளர்த்துவது கொரோனா வைரஸின் புதிய அலைகளைத் தொடங்குமா இல்லையா என்பதற்கு எந்த உத்தரவாதமும் இல்லை. அபாயங்கள் அதிகமாக இருப்பதால், உலக சுகாதார அமைப்பின் தலைவர் டெட்ரோஸ் அதானோம் இன்னும் வைரஸுக்கு எதிராக நாடுகள் அதிக எச்சரிக்கையுடன் இருக்க வேண்டும் என்று விரும்புகிறார்.
சுகாதாரப் பணியாளர்கள் மீது அதிகரித்து வரும் வன்முறைத் தாக்குதல்கள் குறித்தும் ரியான் கவலை தெரிவித்தார். கொரோனா பாதிப்பு நம்மில் மிகச் சிறந்ததை வெளிப்படுத்துகிறது, ஆனால் இது மோசமான சிலவற்றையும் வெளிப்படுத்துகிறது. முற்றிலும் உதவ முயற்சிக்கும் தனிநபர்கள் மீது தங்கள் விரக்தியை வெளியேற்ற மக்கள் அதிகாரம் பெற்றுள்ளதாக உணர்கிறார்கள். இவை புத்தியில்லாத வன்முறை மற்றும் பாகுபாடு செயல்களாக இருக்க வேண்டும் என கூறினார்.
