சாத்தான்குளத்தில் ஜெயராஜ் மற்றும் அவரது மகன் பென்னிக்ஸ் போலீசாரால் படுகொலை செய்யபட்டனர் நிலையில், அவர்களின் உடல்களை வாங்க உறவினர்கள் மறுத்து போராட்டம் நடத்திவருகின்றனர்
உயிரிழந்த தந்தை, மகன்
நெல்லை:
சாத்தான்குளத்தில் ஜெயராஜ் மற்றும் அவரது மகன் பென்னிக்ஸ் போலீசாரால் படுகொலை செய்யபட்டனர் சம்பவம் தமிழகத்தையே உலுக்கி உள்ளது. ஊரடங்கு விதிகளை மீறி கடையை திறந்து வைத்தாக கூறி போலீசார் வழக்கு பதிவு செய்து, அடித்துக் கொன்றதாக உறவினர்கள் மற்றும் ஊர் மக்கள் குற்றம்சாட்டி உள்ளனர்.
காவல்துறையை கண்டித்து தொடர் போராட்டம் நடைபெற்றது. இன்று தமிழ்நாடு முழுவதும் கடையடைப்பு போராட்டம் நடைபெறுகிறது.
இந்நிலையில், உயிரிழந்த தந்தை, மகன் உடல்கள், திருநெல்வேலி அரசு மருத்துவக்கல்லூரி மருத்துவமனைக்கு கொண்டு வரப்பட்டு பிரேத பரிசோதனை செய்யப்படுகின்றன. பிரேத பரிசோதனை முழுவதும் வீடியோவில் பதிவு செய்யப்படுகிறது.
உயிரிழந்த ஜெயராஜ், பென்னிக்ஸ் ஆகியோருக்கு கொரோனா தொற்று உள்ளதா எனவும் பரிசோதனை செய்யப்படுகிறது. இதற்காக பிரேத பரிசோதனை மையத்திற்கு கோவில்பட்டி மாஜிஸ்திரேட் பாரதிதாசன் வந்தார். மருத்துவ கல்லூரி முதல்வருடன், மாஜிஸ்திரேட் ஆலோசனை நடத்தினார்.
இதற்கிடையே, தந்தை, மகன் உடல்களை வாங்க மாட்டோம் எனக் கூறி குடும்பத்தினர் மற்றும் உறவினர்கள் தொடர்ந்து போராட்டம் நடத்திவருகின்றனர். கொலை வழக்காக பதிவு செய்யும் வரை உடல்களை வாங்க மாட்டோம் என்று, ஜெயராஜின் மகள் பெர்சி கூறி உள்ளார். இரட்டை கொலைக்கு என்ன தண்டனையோ அதனை வழங்க வேண்டும் என்றும் அவர் வலியுறுத்தி உள்ளார்.
இன் நிலையில் முதல்வர் எடப்பாடி பழனிசாமி அவர்கள் பாதிக்கப்பட்ட குடும்பத்துக்கு தலா பத்துலட்சம் ரூபாய்யும் குடும்பத்தில் ஒருவருக்கு வேலை வழங்குவதாக அறிவித்துள்ளார் முதல்வர் அறிவித்த நிவாரணத்தொகை மிகவும் குறைவு ஒருவருக்கு தலா ஐம்பது லட்சம் வழங்க வேண்டும் இந்த கொடும் குற்றத்தில் ஈடுபட்ட அனைத்து போலீஸ் அதிகாரிகள் மீது வழக்குப்பதிவு செய்து உரிய தண்டனை வழங்க வேண்டும் என்று பனங்காட்டு மக்கள் கழகம் தலைவர் S.A .சுபாஷ் பண்ணையார் அவர்கள் தமிழக அரசுக்கு வேண்டுகோள் விடுத்துள்ளார்
