அமெரிக்காவில் கொரோனா வைரஸ் பாதிப்பால் பலியானோர் எண்ணிக்கை 90 ஆயிரத்தை கடந்தது.
வாஷிங்டன்,
கண்ணுக்குத் தெரியாத கொரோனா வைரஸ் தொற்றுநோயின் பிடியில் அமெரிக்க வல்லரசு சிக்கித் தவித்துக்கொண்டிருக்கிறது. என்னதான் ஊரடங்கு உள்ளிட்ட தடுப்பு நடவடிக்கைகள் மேற்கொள்ளப்பட்டு வந்தாலும், அந்த நாடு தொடர்ந்து கொரோனாவின் பிடியில்தான் இருந்து வருகிறது.
தற்போதைய நிலவரப்படி அமெரிக்காவில் கொரோனா வைரஸ் பாதித்தவர்கள் எண்ணிக்கை 1,527,664 ஆக உயர்ந்துள்ளது. கொரோனா பாதிப்பால் 90,978-பேர் அமெரிக்காவில் உயிரிழந்துள்ளனர்.
உயிரிழந்தோர் எண்ணிக்கை ஒரு லட்சத்தை நெருங்கியிருப்பது அமெரிக்க மக்கள் மத்தியில் கவலையை ஏற்படுத்தியுள்ளது. அமெரிக்காவில், கொரோனா பாதிப்பிலிருந்து மீண்டவர்கள் எண்ணிக்கை 3,46,389- ஆக உயர்ந்துள்ளது.
